“SSKA” klubining sobiq himoyachisi Vladimir Ponomaryov Abbosbek Fayzullayevning Turkiyaning “Bashakshehir” klubiga o‘tishi mumkinligi haqidagi xabarga munosabat bildirdi.
“Klub Fayzullayevni qo‘yib yuborsin. Turkiya chempionatini ko‘tara olmaydi, uning jussasi juda kichik. Oldin u o‘z jarima maydonidan raqibnikigacha yugurardi, dribling bilan yorib o‘tib, zarba bera olardi, hozir esa shon-shuhratga berilib ketgan. Hozirgi Fayzullayev – ‘chaqqon supurgi’, uning o‘yinida hech qanday qiziqarli jihati qolmadi. Yarim himoyachi sifatida nol darajada, bosh bilan ham o‘ynamaydi. Yevropa uchun yaroqsiz, Turkiyada esa faqat o‘rtamiyona jamoalar uchungina mos. Uni arzon murabbo deb atash mumkin, ammo ‘chaqqon supurgi’ undan-da yaxshi ta’rif”, dedi Ponomaryov “Sovsport” muxbiri Nikita Vaxitovga bergan eksklyuziv intervyusida.
Abbosbek Fayzullayev yaqin orada “Bashakshehir”ga o‘tishi mumkinligi haqida xabar berilgan edi. Turkiya klubida O‘zbekiston terma jamoasi sardori Eldor Shomurodov ham to‘p suradi.
Ma’lumot uchun, Fayzullayev 2023-yil yozidan beri “armiyachilar” safida o‘ynab kelmoqda. Shu vaqt ichida u klub uchun 72 ta o‘yin o‘tkazib, 8 ta gol urdi va 22 ta golli uzatmani amalga oshirdi.
