Qirg‘izistonda Toshkent vaqti bilan 08:11 da sodir bo‘lgan zilzila O‘zbekistonda sezildi.
FVV Seysmoprognostik monitoring Respublika markazining xabar qilishicha, yer silkinishi magnitudasi 4 ball, chuqurligi 10 kilometr bo‘lgan. Uning kuchi Andijon viloyatining quyidagi hududlarida sezilgan:
- Xo‘jaobod tumanida 2-3 ball;
- Jalaquduq tumanida 2 ball;
- Buloqboshi tumanida 2 ball.
Shu kuni soat 6:16 da episentri Toshkent viloyatida bo‘lgan zilzila qayd etilgandi. Uning kuchi Toshkent shahri va viloyatining qator hududlarida 2-3 balldan sezildi.
O‘zbekistonda so‘nggi marta zilzila 2025-yil 25-yanvarda qayd etilgandi. Episentri Buxoro viloyati Jondor tumanida bo‘lgan yer silkinishi kuchi Peshku va Qorako‘l tumanida 2 balldan sezilgandi.
