Klublar o‘rtasidagi Jahon chempionatining 1-tur uchrashuvlari 18-iyun kuni o‘tkazildi.
“G” guruhida “Manchester Siti” jamoasi Marokashning “Vidad” klubiga qarshi bahs o‘tkazdi. Uchrashuvning 2-daqiqasidayoq hisob ochildi. Fil Foden jamoasining ushbu JCHdagi dastlabki golini urdi.
Oradan 40 daqiqa o‘tgach Doku hisobni ikkitaga oshirdi. Ikkinchi bo‘limda esa hisob o‘zgarmadi. 88-daqiqaga kelib esa “shaharliklar” himoyachisi Riko Lyuis qizil kartochka olib, maydonni tark etdi.
Mazkur bahsda o‘zbekistonlik himoyachi Abduqodir Husanov maydonga tushmadi.
Klublar o‘rtasidagi Jahon chempionati
1-tur
“G” guruhi
“Manchester Siti” — “Vidad” 2:0
Gollar: 1:0 — Fil Foden (2), 2:0 — Jeremi Doku (42).
