Toshkentda 9-iyun kuni bo‘lib o‘tgan muzokaralar yakunida Shavkat Mirziyoyev va Slovakiya bosh vaziri Robert Fiso Strategik sheriklik munosabatlarini o‘rnatish to‘g‘risidagi qo‘shma deklaratsiyani imzoladi.
Prezident matbuot xizmatining xabar qilishicha, yetakchilar huzurida ikki tomonlama hujjatlar, xususan:
- diplomatik kadrlar tayyorlash to‘g‘risida;
- qishloq xo‘jaligi sohasidagi hamkorlik to‘g‘risida;
- standartlashtirish, metrologiya va tovarlarning muvofiqligini baholash sohasidagi hamkorlik to‘g‘risida;
- energetika bozorlarini tartibga solish sohasidagi hamkorlik to‘g‘risidagi bitimlar;
- 2025—2026-yillarga mo‘ljallangan tashqi ishlar vazirliklari o‘rtasidagi hamkorlik dasturi;
- 2025—2026-yillarga mo‘ljallangan standartlashtirish sohasidagi hamkorlik dasturi almashildi.
Hujjatlar almashinishidan lavhalar
Slovakiya bosh vazirining O‘zbekistonga tashrifi
Slovakiya bosh vaziri Robert Fiso Shavkat Mirziyoyev taklifiga binoan 8-iyun kuni rasmiy tashrif bilan O‘zbekistonga kelgandi. 9-iyun kuni uni rasmiy kutib olish marosimi bo‘lib o‘tdi. Shu kuni Shavkat Mirziyoyev va Slovakiya bosh vaziri Robert Fiso muzokaralar o‘tkazib, O‘zbekiston va Slovakiya o‘rtasidagi amaliy hamkorlikni yanada rivojlantirish masalalarini ko‘rib chiqdi. Tashrif doirasida Slovakiya bosh vaziri Robert Fiso IV Toshkent xalqaro investitsiya forumida ham ishtirok etadi.
