Xalqaro futbol tarixi va statistikasi federatsiyasi (IFFHS) tomonidan e’lon qilingan reytingga ko‘ra, Argentina terma jamoasi va “Inter Mayami” klubi hujumchisi Lionel Messi futbol tarixidagi eng buyuk futbolchi sifatida tan olindi.
Ikkinchi o‘rinda Braziliyalik afsona Pele qayd etilgan bo‘lsa, kuchli uchlikka Diego Maradona yakun yasadi. Portugaliyalik futbolchi Krishtianu Ronaldu mazkur ro‘yxatning 4-pog‘onasidan joy oldi.
IFFHS talqiniga ko‘ra, barcha davrlarning eng zo‘r 10 nafar futbolchilari ro‘yxatini:
1. Lionel Messi (Argentina)
2. Pele (Braziliya)
3. Diego Maradona (Argentina)
4. Krishtianu Ronaldu (Portugaliya)
5. Yoxan Kroyff (Niderlandiya)
6. Ronaldo (Braziliya)
7. Zinedin Zidan (Fransiya)
8. Frans Bekkebauer (Germaniya)
9. Alfredo Di Stefano (Argentina/Ispaniya)
10. Ronaldinyo (Braziliya)
Lionel Messi futbol tarixidagi eng ko‘p “Oltin to‘p” sovrindori hisoblanadi — u bu mukofotni 8 marta qo‘lga kiritgan. Shuningdek, Messi 4 bor UEFA Chempionlar Ligasi g‘olibi bo‘lgan va 2022 yilda Argentina terma jamoasi safida jahon chempionligini qo‘lga kiritgan.
