Daniya qurolli kuchlari AQSHdan to‘rtta yangi F-35 qiruvchi samolyotini qabul qilib oldi va o‘zining samolyotlar sonini 15 taga yetkazdi. Bu haqda Mudofaa vazirligi saytida ma’lum qilindi.
2023-yil iyun oyida Daniya radiosi Mudofaa vazirligiga tayanib, mamlakat Harbiy-havo kuchlari F-16 qiruvchi samolyotlari parkini F-35 bilan rejalashtirilganidan ikki yil oldin (2027-yil o‘rniga 2025-yilda) almashtirishi, bu esa F-16 samolyotlarini Ukrainaga topshirishni tezlashtirishini xabar qilgan edi.
“Kecha to‘rtta yangi F-35 samolyoti rejalashtirilganidek Skrudstrup aerodromiga qo‘ndi”, deyiladi vazirlik saytidagi matbuot xabarida.
Nashr ma’lumotlariga ko‘ra, Kopengagen AQSHdan jami 27 ta F-35 qiruvchi samolyotiga buyurtma bergan, ulardan 15 tasi allaqachon Daniyaga olib kelingan, yana oltitasi AQSHda qolmoqda. Qolgan oltita qiruvchi samolyot esa 2026-yil oxirigacha yetkazib berilishi rejalashtirilgan.
O‘tgan yilning noyabr oyida Daniya Ukrainaga oltita F-16 qiruvchi samolyoti topshirgani ma`lum qilingandi.
