Prezident matbuot kotibi Sherzod Asadov O‘zbekiston jurnalistika va ommaviy kommunikatsiyalar universiteti tomonidan Navro‘zga bag‘ishlab tashkil etilgan tadbirda mehmon bo‘ldi.
Tadbir doirasida badiiy sahna chiqishlari, milliy taomlar, madaniy ko‘rgazmalar, musiqiy dasturlar hamda qardosh mamlakatlar va yaqin hamkorlar madaniyatiga bag‘ishlangan ekspozitsiyalar bilan tanishildi.
Samimiy va bayramona muhitda ustoz-jurnalistlar, soha faxriylari, universitet jamoasi hamda talabalar bilan suhbatlashildi.
“Bunday tadbirlar tariximiz va boy madaniyatimizga bo‘lgan hurmat, milliy anʼanalarimizni asrab-avaylash ruhini yuksaltirish bilan birga, avlodlar o‘rtasidagi rishtalarni mustahkamlash, tajribali jurnalistlar va sohaga kirib kelayotgan yoshlar uchun muloqot maydoni sifatida ham katta ahamiyatga ega”, deb yozadi Sherzod Asadov.
