O‘zbekiston prezidenti Shavkat Mirziyoyev nomiga Rossiya prezidenti Vladimir Putindan Navro‘z bayrami munosabati bilan tabrik keldi.
Unda Rossiya prezidenti O‘zbekiston yetakchisiga Navro‘z munosabati bilan eng samimiy tabriklarini yo‘llagan.
O‘zbekiston Respublikasi prezidenti
Shavkat Mirziyoyev Janobi Oliylariga
Hurmatli Shavkat Miromonovich!
Bahor ayyomi Navro‘z munosabati bilan eng samimiy tabriklarimni qabul qilgaysiz.
Rossiya—O‘zbekiston munosabatlari strategik sheriklik va ittifoqchilik ruhida muvaffaqiyatli rivojlanmoqda. Birgalikdagi sa’y-harakatlarimiz bilan o‘zaro manfaatli ikki tomonlama aloqalarni bundan buyon ham do‘st xalqlarimiz farovonligi, Markaziy Osiyoda xavfsizlik va barqarorlikni mustahkamlash yo‘lida faol rivojlantiramiz, deb ishonaman.
Ushbu qutlug‘ ayyomda sizga, muhtaram Shavkat Miromonovich, chin qalbimdan mustahkam sog‘lik va muvaffaqiyatlar, O‘zbekistonning barcha fuqarolariga esa baxt-saodat va farovonlik tilayman.
Hurmat bilan,
Vladimir Putin,
Rossiya Federatsiyasi prezidenti
