Oq uy ma’muriyatining ma’lum qilishicha, Rossiya prezidenti Vladimir Putin bilan Amerika rahbari Donald Tramp emas, balki uning milliy xavfsizlik bo‘yicha maslahatchisi Stiv Uitkoff suhbatlashgan. Bu haqda Reuters xabar bermoqda.
“AQSHning maxsus vakili Uitkoff kecha Putin bilan gaplashdi. Tramp Putin bilan suhbatlashmagan”, deya aniqlik kiritdi AQSH prezidenti ma’muriyati u e’lon qilgan bayonotdan so‘ng.
Bundan oldin Donald Tramp ijtimoiy tarmoqlarda Vladimir Putin bilan kecha “juda yaxshi va samarali muzokaralar” o‘tkazilgani haqida yozgandi.
Trampning aytishicha, muzokaralar davomida u rossiyalik hamkasbidan qurshovda qolgan Ukraina qo‘shinlariga rahm qilishni so‘ragan. Shuningdek, u Ukrainadagi mojaroni yakunlash imkoniyati yuqori ekanligini ta’kidlagan.
Vaziyatdan xabardor bo‘lgan va nomi oshkor qilinishini istamagan manbaning aytishicha, payshanba kuni kechqurun Vitkoff Moskvada Putin bilan uzoq davom etgan uchrashuv o‘tkazgan.
