Ukraina zudlik bilan 30 kunlik o‘t ochishni to‘xtatishga rozi bo‘ldi, lekin avval Rossiya rozi bo‘lishi kerakligi aytildi.
Saudiya Arabistonida bo‘lib o‘tgan AQSH va Ukraina uchrashuvidan so‘ng eʼlon qilingan qo‘shma bayonotga ko‘ra, Qo‘shma Shtatlar Ukrainaga razvedka maʼlumotlari almashinuvi va yordamni tiklamoqda.
Qo‘shma Shtatlar ushbu aniq takliflarni Rossiya vakillari bilan muhokama qilish majburiyatini oldi. Ukraina delegatsiyasi yana bir bor yevropalik hamkorlar tinchlik jarayoniga jalb qilinishi kerakligini ta‘kidladi.
Oxir-oqibat, ikki mamlakat prezidentlari Ukrainaning uzoq muddatli xavfsizligi va farovonligini ta’minlash maqsadida Ukrainaning muhim mineral resurslarini o‘zlashtirish bo‘yicha keng qamrovli kelishuvni imkon qadar tezroq tuzishga kelishib oldi.
