O‘zbekistonda 2024-yilda 233,8 trln so‘mlik qurilish ishlari bajarilgan, deb xabar bermoqda Statistika agentligi.
Qayd etilishicha, bu ko‘rsatkich 2023-yilning mos davri bilan solishtirilganda 8,8 foizga oshgan. 2025-yilning 1-yanvar holatiga O‘zbekistonda qurilish faoliyati bilan shug‘ullanayotgan korxona va tashkilotlar soni 27 408 tani tashkil etgan.
Qurilish ishlari hajmi tarkibida:
- kichik korxona va mikrofirmalar — 46,2 foiz
- yirik qurilish tashkilotlari — 23,5 foiz
- norasmiy sektor — 30,3 foiz.
2024-yilning yanvar—avgust oylarida O‘zbekistonda kichik qurilish korxona va mikrofirmalar tomonidan 60,9 trln so‘mlik qurilish ishlari bajarilgan edi. Bu ko‘rsatkich 2023- yilning yanvar—avgust oyiga nisbatan solishtirilganda 5,3 foizga o‘sgan.
Kichik korxona va mikrofirmalar tomonidan bajarilgan qurilish ishlari hajmining barcha turdagi korxona va tashkilotlar tomonidan bajarilgan jami qurilish ishlari hajmidagi ulushi 55,8 foizni tashkil etgan.
Avvalroq 2024-yilning yanvar—iyul oylarida O‘zbekistonda qurilish ishlarining iqtisodiy faoliyat turlari bo‘yicha bino va inshootlar qurilishi ulushi 68,7 foizni, fuqarolik obyektlari 21,1 foizni va ixtisoslashtirilgan qurilish ishlari 10,2 foizni tashkil etgani xabar berilgandi.
Shuningdek, Qoraqalpog‘istonda qurilish ishlarining iqtisodiy faoliyat turlari bo‘yicha bino va inshootlar qurilishi ulushi 72,1 foizni, fuqarolik obyektlari 22,4 foizni va ixtisoslashtirilgan qurilish ishlari 5,5 foizni tashkil etgan.
Izoh (0)