Ukrainalik super og‘ir vazn toifasidagi bokschi Oleksandr Usik faoliyatini qachon yakunlashni rejalashtirayotganini aytdi.
“Menimcha, bokschi sifatida bir yarim yoki ikki yil qoldi. O‘zimni yaxshi his qilyapman. Yana ikkita jang o‘tkazishim kerak. Undan ortig‘i emas”, deydi Usik Sky Sports’ga bergan intervyusida.
2024-yil may oyida Usik britaniyalik Tayson Fyurini mag‘lub etib, super og‘ir vazn toifasida mutlaq jahon chempioniga aylangandi. Dekabrda o‘tkazilgan revansh jangida ukrainalik bokschi yana g‘alaba qozondi.
Usik hozircha faoliyati davomida mag‘lubiyatga uchramagan bokschi hisoblanadi. Bokschi o‘tkazilgan 22 jangning barchasida g‘alaba qozongan.
Avvalroq Bahodir Jalolov agar menga ikki-uch oy vaqt berishsa, Usik bilan jang qilishga tayyor bo‘lishini ma’lum qilgandi.
