“Manchester Siti” bosh murabbiyi Xosep Gvardiola joriy mavsumda 12-mag‘lubiyatini qabul qilib, shu ko‘rsatkich bo‘yicha shaxsiy antirekordini takrorladi. Bu haqda StatsFoot portali xabar berdi.
Manbaga ko‘ra, Gvardiola boshchiligidagi “Manchester Siti” ilgari faqat 2019/2020-yilgi mavsumda shuncha mag‘lubiyatga uchragan.
“Real” bilan o‘yindan tashqari, Gvardiola jamoasi Chempionlar Ligasida “PSJ”ga (2:4), “Yuventus”ga (0:2) va “Sporting”ga (1:4) yutqazgan.
Shuningdek, APLda “Arsenal” (1:5), “Aston Villa” (1:2), “Manchester Yunayted” (1:2), “Liverpul” (0:2), “Tottenhem” (0:4), “Brayton” (1:2) va “Bornmut” (1:2) klublaridan mag‘lubiyatga uchragan. Liga Kubogida esa “Tottenhem”ga 1:2 hisobida yutqazgan. Mavsum yakuniga yetishiga uchrashuvlar ko‘pligini inobatga olsak, bu antirekord yangilanishi mumkin
Eslatib o‘tamiz, “shaharliklar” Chempionlar Ligasi pley-off bosqichining ilk uchrashuvida o‘z maydonida Madridning “Real” klubiga 2:3 hisobida mag‘lub bo‘ldi.
