Namangan yana bir xalqaro festivalga mezbonlik qiladi. Bu haqda “Daryo” muxbiri Azizbek Abduvaliyev xabar bermoqda.
Gullar shahrida joriy yil 22-fevral kuni avtomobil ishqibozlarini qo‘llab-quvvatlash, avtotyuningdagi yangiliklarni ommalashtirish va avtoturizmni yanada rivojlantirish maqsadida Namangan xalqaro avtofestivali o‘tkaziladi.
Yangi Namangan tumani hokimligi axborot xizmati
Ilk bor tashkil etilayotgan ushbu festival doirasida retro avtomobillar ko‘rgazmasi, tyuning qilingan avtomobillar namoyishi, avtoustalar bellashuvi, avtomobillar auksioni va ehtiyot qismlar yarmarkasi, sport mashinalari ko‘rigi o‘tkaziladi.
Shuningdek, Namangan shahri bo‘ylab avtoparad bo‘lib o‘tishi, karting musobaqalari va estrada yulduzlarining chiqishlari ham ko‘zda tutilgan.
