CBS News xabar berishicha, g‘avvoslar Vashingtonda halokatga uchrab daryoga qulagan American Airlines samolyotining kabinasiga kirishga muvaffaq bo‘lishdi.
Mutaxassislar laynerning qora qutisini topilganini taxmin qilishmoqda. Telekanal ma’lum qilishicha, uchuvchilar suhbatlarini yozib oluvchi qurilma yoki samolyotning texnik ma’lumotlarini saqlovchi moslamadan qay biri topilgani hozircha noma’lum.
AQSH Fuqaro aviatsiyasi federal boshqarmasi (FAA) avvalroq Vashingtonda Sikorsky H-60 (Black Hawk) harbiy vertolyoti va yo‘lovchi samolyoti to‘qnashgani haqida xabar bergan edi.
Samolyot American Airlines aviakompaniyasining 5342-reysini Kanzas shtatining Uichita shahridan Vashingtonga amalga oshirgan. U Bombardier CRJ700 reaktiv samolyoti hisoblanadi. Bortda 60 nafar yo‘lovchi, 4 nafar ekipaj a’zosi bo‘lgani aytilmoqda. Transportda xavfsizlik bo‘yicha milliy kengash FAA bilan hamkorlikda tekshiruv o‘tkazmoqda.
Oq uy matbuot kotibi Karolin Levittning ta’kidlashicha, prezident Donald Trampga hodisa haqida xabar berilgan.
So‘ngi ma’lumotlarga ko‘ra, 30 dan ortiq odamning jasadlari daryodan olib chiqilgan.
Izoh (0)