Samolyot, tanklar va muzey: Namanganda ochilgan “Vatanparvarlar bog‘i” 

Namangan viloyatining Davlatobod tumanida “Vatanparvarlar bog‘i” ochildi. “Daryo” muxbiri Azizbek Abduvaliyev xabar bermoqda.

Mazkur majmuadan harbiy texnika—samolyot, vertolyot va tanklar o‘rin oldi. Mashq maydonlari, mudofaa istehkomlari barpo etildi.

Vatan himoyasi yo‘lida halok bo‘lgan namanganlik 14 nafar harbiy byustlari o‘rnatilgan xiyobon tashkil etildi.

Shuningdek, suronli yillar xotirasini o‘zida aks ettirgan “Vatanparvarlik muzeyi" barpo etildi.

14-yanvar — Vatan himoyachilari kuni foydalanishga topshirilgan “Vatanparvarlar bog‘i”ning ochilish marosimida Namangan viloyati hokimi Shavkat Abdurazzoqov, Sharqiy harbiy okrug qo‘shinlari qo‘mondoni, general-mayor Oybek Saidov, sektor rahbarlari, jamoatchilik vakillari, halok bo‘lgan qahramonlarning yaqinlari ishtirok etdi.