Firibgarlarning maqsadi akkauntni egallab olish va kontaktlarga turli xil ko‘rinishlarda zararli havolalar tarqatish. Bu haqda Kiberxavfsizlik markazi axborot xizmati ma’lum qildi.
Firibgarlar tuzog‘iga tushib qolmaslik uchun quyidagilar tavsiya etiladi:
- Ikki bosqichli autentifikatsiyani o‘rnatish;
- Sms-xabarnomada kelgan raqamlarni hech kimga taqdim etmaslik;
- Messenjerning “qurilmalar” bo‘limidagi “Faol seanslarni” tekshirish, boshqa qurilmalar faoliyatini to‘xtating.
Avvalroq O‘zbekistonda firibgarlar davlat rahbarining fotosuratidan foydalanib, yolg‘on xabar tarqatayotgani ma’lum qilingan edi.
