Rossiyaning Leningrad viloyatida 48 yoshli o‘zbekistonlik erkak mashinasida piyodani bosib ketdi. Bu haqda 78.ru xabar berdi.
Hodisa 27-oktyabr kuni Volxov tumani “Podyezd Novaya Ladoga” avtoyo‘lining yoritilmagan qismida sodir bo‘lgan. O‘zbekiston fuqarosi mahalliy vaqt bilan soat 21:15 da Daewoo Matiz avtomobilida 37 yoshli erkakni urib yuborgan. Jabrlanuvchi olgan tan jarohatlari oqibatida voqea joyida halok bo‘lgan. Holat yuzasidan jinoyat ishi qo‘zg‘atilgan.
Leningradda O‘zbekiston fuqarosi ishtirokidagi shu kabi holat 11-oktyabr kuni ham sodir bo‘lgandi. O‘shanda 28 yoshli o‘zbekistonlik Chevrolet Cruze avtomobilida yo‘lning qatnov qismida 50 yoshli erkakni belgilangan piyodalar o‘tish joyidan tashqarida urib yuborgan. Hodisa tafsilotlari politsiya tomonidan o‘rganilmoqda.
