AQSH Milliy yo‘l harakati xavfsizligi boshqarmasi (NHTSA) avtopilot dasturi bilan jihozlangan 2,4 million dona Tesla avtomobilini 4ta YTHdan so‘ng qayta ko‘rib chiqadi. YTHlardan biri o‘lim bilan tugagan.
Ma’lumotlarga ko‘ra, quyidagi modellar tekshiriladi:
- 2016—2024-yillarda ishlab chiqarilgan Tesla S va X;
- 2017—2024-yillarda ishlab chiqarilgan Tesla Model 3;
- 2023—2024-yillarda ishlab chiqarilgan Tesla Model Y;
- 2020—2024-yillarda ishlab chiqarilgan Cybertruck elektr pikaplari.
Tekshiruv natijalariga ko‘ra NHTSA ushbu transport vositalarini chaqirib olishni talab qilishi mumkin. Tekshirish qaroriga sabab avtohalokatlar bo‘lib, ulardan birida avtonom boshqaruv funksiyasiga ega Tesla avtomobili piyodani halok qilgan.
Shu munosabat bilan agentlik avtopilot dasturiy ta’minoti bilan jihozlangan avtomobillarning kamchiliklari va ularni bartaraf etish yo‘llarini o‘rganish niyatida.
