2024-yilning yanvar—iyun oylarida O‘zbekiston hududidan tashilgan (avtomobil va temiryo‘l transportlarida) tranzit yuklarning hajmi 5,3 mln tonnani tashkil etgan. Bu haqida Statistika agentligi xabar berdi.
Tranzit yuklarning 4,1 mln tonnasi temiryo‘l transporti orqali (jami yuk hajmiga nisbatan 77,9%) tashilgan.
![](/static/2024/08/30/yuk1-X5BCMVcZ.jpg)
Yana 1,2 mln tonna yuk (jamiga nisbatan 22,1%) avtomobil transporti orqali tashilgan.
Avvalroq Statistika agentligi 2024-yilning yanvar-iyunida kichik tadbirkorlik subyektlari tomonidan amalga oshirilgan mahsulot (ishlar va xizmatlar) importi hajmi 8 384,6 mln AQSH dollarini yoki umumiy eksport hajmining 44,5 foizini tashkil etganini xabar qilgandi.
Hududlar bo‘yicha kichik tadbirkorlik subyektlari tomonidan amalga oshirilgan mahsulotlar (ishlar va xizmatlar) importining jami importga nisbatan eng yuqori ulushi Surxondaryoda (87,7%) ekani ma’lum qilingan.
Izoh (0)