“O‘ztemiryo‘lyo‘lovchi” Toshkent Markaziy vokzali 16-avgustdan o‘z faoliyatini tiklashini e’lon qildi.
To‘qimachi bekatida modernizatsiya ishlari olib borilishi munosabati bilan 15-iyuldan 15-avgustgacha Toshkent Markaziy vokzalidan harakatlanadigan yo‘lovchi poyezdlar Toshkent Janubiy vokzalidan harakatlanishi haqida xabar berilgan edi.
16-avgustdan Toshkent Markaziy vokzali o‘z faoliyatini boshlaydi. Toshkent Markaziy vokzalidan qatnovchi mahalliy yo‘nalishlarga sayohatni avvalgidek ushbu vokzalidan davom ettirishi mumkin.
Ya’ni yuqori tezlikda harakatlanuvchi “Afrosiyob”, “Sharq”, “Nasaf”, “O‘zbekiston” poyezdlari va Toshkent—Volgograd—Toshkent yo‘nalishida harakatlanuvchi poyezdlar avvalgidek Toshkent Markaziy vokzalidan harakatlanadi.
Hozirda Toshkent Markaziy vokzali va “To‘qimachi” bekatidan harakatlanayotgan shaharlararo Hojikent, Guliston, Angren, Xavast, Bekobod yo‘nalishlaridagi poyezdlar 16-avgustdan boshlab Toshkent Janubiy vokzalidan harakatlanadi.
Izoh (0)