Amerikalik komik aktyor Eddi Myorfi va avstraliyalik model Peyj Batcher 12 yildan beri birga. Olti yil avval Eddi Peyjga turmush qurish taklifini bildirgan, biroq ular kuni kecha rasmiy nikohdan o‘tdi.
Faqat qarindoshlar va yaqin do‘stlar uchun bo‘lib o‘tgan yopiq to‘y marosimi Anguillada — Karib dengizida joylashgan Britaniya dengizorti hududida bo‘lib o‘tdi.
Kelin Mira Zwillinger brendiga tegishli korsetli nafis libosda namoyon bo‘ldi. Kuyov Brioni brendiga mansub oq kostyumda kirib keldi. Ushbu nikoh Batcher uchun birinchi, Eddi uchun ikkinchi rasmiy turmushdir: er-xotinning ikki nafar farzandi: sakkiz yoshli qizi va besh yoshli o‘g‘li bor.
Ijtimoiy tarmoqlarda aktyorning to‘y marosimi turli muhokamalarga sabab bo‘ldi: “Nihoyat! Yulduzlar to‘yini kutishdan charchagan edik”, “Qiziq, nega ular shuncha yil kutdi ekan?”, “Barchasi chiroyli o‘tibdi, lekin to‘y olti yilga kechikkani hayron qoldirdi”, “Umid qilamizki, ular baxtli hayot kechiradi”, deb yozadi aktyor muxlislari va blogerlar.
Eddi Myorfi serfarzand aktyor: u o‘n nafar bolalarning otasi. Beshtasi Nikol Mitchell bilan nikohidan tug‘ilgan, 3 nafari turli ayollar: Polett Maknili, Tamara Gud va sobiq Spice Girls guruhi a’zosi Melani Braundan dunyoga kelgan.
Eddi Myorfi tez orada “Shrek” animatsion filmidagi Eshak roliga qaytadi. Franshizaning navbatdagi qismi 2026-yil, yoz faslida chiqishi kutilmoqda.
Izoh (0)