Davlat soliq qo‘mitasining “Yuridik shaxslarni soliq to‘lovchilar toifasiga kiritishning mezonlarini belgilash to‘g‘risidagi nizomga o‘zgartirish va qo‘shimchalar kiritish haqida”gi qarori qabul qilindi.
DSQ qarorining ilovasiga ko‘ra, Yuridik shaxslarni yirik soliq to‘lovchilar toifasiga kiritishning mezonlarini belgilash to‘g‘risidagi nizomga o‘zgartirish va qo‘shimchalar kiritildi.
Shunday qilib quyidagilar yirik soliq to‘lovchilar toifasiga kiritiladi:
- aksiz solig‘iga tortiladigan tovarlarni ishlab chiqaruvchi va aksiz to‘lanadigan xizmat ko‘rsatuvchi korxonalar bundan alkogol va pivo mahsulotlari ishlab chiqaruvchi korxonalar mustasno. Tegishli qo‘shimcha “a” kichik bandiga kiritilgan. Ilgari, istisnolar bo‘lmagan;
- tijorat banklari, sug‘urta tashkilotlari, tovar-xom ashyo, fond va valyuta birjalari. Qo‘shimcha “b” kichik bandiga kiritilgan. Sug‘urta tashkilotlari yirik soliq to‘lovchilar toifasiga kirmaganlar;
- “Navoiy KMK” DK, “Olmaliq KMK” AJ, “O‘zbekiston temir yo‘llari AJ” hamda ularning taʼsischiligidagi tashkilotlar. Eski tahrirda, yirik soliq to‘lovchilar toifasiga yuqorida ko‘rsatilgan tashkilotlar hamda ularning tarkibiga kiruvchi tashkilotlar ham kirgan;
- mahsulot (tovar, ish va xizmat)larni sotishdan olingan sof tushumi o‘tgan kalendar yil yakuni bo‘yicha BHM 735 ming baravaridan yuqori bo‘lgan yoki ketma-ket keladigan o‘n ikki oylik davr yakuni bo‘yicha ushbu miqdordan oshgan hamda xodimlar soni o‘rtacha yillik 10 nafardan kam bo‘lmagan yuridik shaxslar, chet el yuridik shaxslarining O‘zbekistongi doimiy muassasalari (bo‘linmalari), bundan paxta-to‘qimachilik klasterlari, to‘qimachilik mahsulotlari ishlab chiqaruvchi korxonalar, alkogol mahsulotlarining ulgurji savdosi bilan shug‘ullanuvchi korxonalar mustasno. Qo‘shimcha “d” kichik bandiga kiritilgan;
- yirik soliq to‘lovchilar toifasiga kiritilgan yuridik shaxslar kalendar yil yakuni bilan mazkur nizomda ko‘rsatilgan mezonlarga javob bermasa, ushbu xo‘jalik yurituvchi subyektlar navbatdagi uch yil mobaynida yirik soliq to‘lovchilar toifasida qoladi, bundan mazkur mezonlarga o‘zgartirish va qo‘shimchalar kiritilgan holatlar mustasno.
Ilgari, istisnolar bo‘lmagan;
- mazkur nizom talablari tatbiq etiladigan yirik soliq to‘lovchilar ro‘yxati har yili keyingi soliq davri boshlangunga qadar uch oydan kechikmay Soliq qo‘mitasi tomonidan tasdiqlanadi. Ilgari ushbu muddat bir oyni tashkil qilardi.
Hujjat Qonun hujjatlari maʼlumotlari milliy bazasida davlat tilida eʼlon qilingan va 2024-yil 2-iyuldan kuchga kirdi.
Avvalroq O‘zbekistonda 122 ming 862 ta tashkilot 2024-yilning yanvar-may oylarida 10,6 trln so‘m miqdorda soliq imtiyozlaridan foydalangani to‘g‘risida xabar berilgandi. Shu bilan birga 2 561 ta korxona moliyaviy xizmatlar bo‘yicha 7,9 trillion so‘mdan ortiq QQSsiz operatsiyalar amalga oshirgan.
Izoh (0)