Toshkent shahri Yangihayot tumanida o‘zganing xonadonini meros sifatida rasmiylashtirib olgan shaxslar aniqlandi, deb xabar beradi Bosh prokuratura huzuridagi departament.
Qayd etilishicha, departamentning Yangihayot tuman bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan. Tekshiruvda T.K., V.Sh. ismli shaxslar va boshqalar o‘zaro til biriktirib, fuqaro I.K.ga tegishli xonadonni go‘yoki vafot etgan otasi T.K.ga tegishli ekani haqidagi soxta hujjatlarni tayyorlab, ushbu xonadonni o‘zlariga meros sifatida rasmiylashtirib olgani aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Kuni kecha Farg‘ona shahrida o‘zganing xonadonini qalbaki hujjatlar asosida 20 800 dollarga sotgan firibgarlar ushlangani to‘g‘risida xabar berilgandi.
Izoh (0)