Andijon viloyatining Marhamat tumanida to‘rtta avtomobil ishtirokida YTH sodir bo‘ldi.
Viloyat YHXB matbuot xizmatining ma’lum qilishicha, holat 29-iyun kuni soat 20:50 larda, tumanning “Gar-Gar” MFY hududidan o‘tgan 4R-138 avtomobil yo‘lining 33 kilometrida sodir bo‘lgan.
2000-yilda tug‘ilgan haydovchi T.M. o‘zining Nexia-2 avtomobilida ikkinchi darajali yo‘ldan asosiy yo‘lga keskin chiqib yuborishi natijasida, asosiy yo‘ldan kelayotgan Matiz bilan to‘qnashib ketgan. Matiz haydovchisi esa rul boshqaruvini yo‘qotib, qarama-qarshi tomonga o‘tib ketishi oqibatida, o‘z yo‘nalishida kelayotgan Nexia va Tracker bilan to‘qnashgan
Ushbu YTH oqibatida Matiz haydovchisi tan jarohati olib, tuman shifoxonasiga murojaat qilgan, transport vositalari texnik shikastlangan.
