AQSH rasmiylari Vashington va Nyu-Yorkdagi Rossiya viza markazining ikkita filialini yopmoqda, shuningdek, rossiyalik diplomatlarni soliq to‘lamaslik imkoniyatidan mahrum qilmoqda. Bu haqda “TASS” xabar berdi.
Amerikaliklar bizga viza markazi yopilishi haqida xabar yuborishdi va endi Rossiya diplomatlari va konsullari zimmasiga qo‘shimcha yuk tushadi, — dedi Rossiya diplomatik missiyasi rahbari Anatoliy Antonov.
Rossiya elchisi Qo‘shma Shtatlarda yashovchi ruslarni zarur yuridik va konsullik xizmatlari bilan ta’minlash uchun “barcha kuchini sarflashga” va’da bergan.
Antonov, shuningdek, Amerika rasmiylari rossiyalik diplomatlarni soliqdan ozod qilish imtiyozlaridan mahrum qilganini aytgan.
Ular bizning soliqdan ozod qilingan kartalarimizni olib qo‘yishdi. Bu kartalar har qanday davlatdagi diplomatlar uchun imtiyozlar, xususan, yashash va mahalliy g‘aznaga soliq to‘lamaslik imkonini beradi, — deydi u.
2020-yil dekabr oyida Qo‘shma Shtatlar rossiyalik diplomatlarning mamlakatda qolishini uch yil muddatga cheklashni joriy qilgan edi. Ushbu cheklov tufayli 27 nafar diplomat va ularning oila a’zolari 2022-yil 30-yanvargacha, yana 28 kishi esa 2022-yil 30-iyungacha AQSHni tark etishi kerak edi.
Izoh (0)