Qirg‘izistonda 54,7 ming gektardan ortiq ekin maydonlari chigirtka bosqinidan zarar ko‘rdi. Bu haqda Suv resurslari, qishloq xo‘jaligi va qayta ishlash sanoati vazirligi xabar berdi.
Maʼlum qilinishicha, mutaxassislar tomonidan jami 76 210 gektar maydon ko‘zdan kechirilgan.
Chigirtkalar o‘simliklar zararkunandalari orasida xavfli bo‘lgani sababli ularni yo‘q qilish uchun respublika byudjetidan tegishli mablag‘lar ajratiladi, — deyiladi xabarda.
Mutaxassislar prognoziga ko‘ra, 2024-yilda chigirtkalardan zarar ko‘rgan maydon 65 mingdan 90 ming gektargacha yetishi mumkin. Zararkunandalarga qarshi kurashish uchun maxsus texnika va pestitsidlar tayyorlangan.
Bu yil avvallari qayd etilmagan hududlarda chigirtkalar bosqini ko‘paydi. Bu bahordagi qulay ob-havo sharoiti bilan bog‘liq. Qirg‘izistonda chigirtkalarning 50 dan ortiq turi uchraydi. Qishloq xo‘jaligi uchun eng xavfli bo‘lganlari Marokash va Italiya chigirtkalaridir.
Izoh (0)