Toshkent shahri hokimiga ikki nafar o‘rinbosar tayinlandi. Bu haqda poytaxt hokimligi matbuot xizmati xabar berdi.
Baxtiyor Xaydarov hokimning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi.
U tayinlovga qadar Prezident administratsiyasi Ijtimoiy sohada muhim tashabbuslarni ishlab chiqish boshqarmasi boshlig‘i lavozimida ishlagan.
Sanjar Tadjiyev poytaxt hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimiga tayinlandi.
Shu kunga qadar The Mob MCHJ da bosh direktor lavozimida ishlagan.
3-iyun kuni prezident raisligida o‘tkazilgan videoselektor yig‘ilishida Toshkent shahri hokimining turizm masalalari bo‘yicha o‘rinbosari F.Davrukov lavozimidan ozod etilgan edi. Shuningdek, bosh vazirga turizm bo‘yicha har bir hokim o‘rinbosari ishiga baho berish topshirilgan.
