Andijon viloyatining Paxtaobod tumanida yo‘lni kesib o‘tayotgan piyodani Lacetti urib ketdi. Holat aks etgan video ijtimoiy tarmoqlarda tarqaldi.
Viloyat Yo‘l harakati xavfsizligi boshqarmasi matbuot xizmatining ma’lum qilishicha, holat 13-may kuni soat 15:00 lar atrofida, Paxtaobod tumani “To‘pabjuvoz” MFY hududidan o‘tgan avtomobil yo‘lida sodir bo‘lgan.
Haydovchi X.J. Lacetti’ni tartibga solingan chorrahada svetoforning yashil chirog‘ida boshqarib ketayotib, piyodalar yo‘lakchasidan yugurib o‘tayotgan 1983-yilda tug‘ilgan B.D.ni urib yuborgan.
Oqibatda piyoda “o‘ng oyoq boldir suyagining yopiq sinishi” bilan bog‘liq tan jarohati olgan.
Hozirda ushbu holat yuzasidan tuman IIB Tergov bo‘limi tomonidan surishtiruv ishlari olib borilmoqda.
