Gaitida qurollangan shaxslar mamlakatdagi asosiy xalqaro aeroportni egallab olishga urindi. Hodisa payti politsiya bilan otishma sodir bo‘lgan. Bu haqda Associated Press xabar berdi.
Gaiti hukumati poytaxt Port-o-Prensda favqulodda holat e’lon qilib, komendantlik soati joriy qilgan.
“4-mart kuni yaxshi qurollangan jinoiy guruhlar Gaitining asosiy xalqaro aeroporti ustidan nazoratni egallab olishga urinib, ularga qarshi kurashmoqchi bo‘lgan politsiya va askarlarga o‘t ochdi”, — deyiladi xabarda.
Tussen Luvertyura xalqaro aeroportiga hujum rasmiylar Port-o-Prensda komendantlik soati eʼlon qilinganidan bir necha soat o‘tib sodir bo‘lgan. Hodisa yuz berganda aeroport yopilgan va yo‘lovchilar bo‘lmagan.
“Uchish yo‘lagida zirhli yuk mashinasi qurolli to‘dalar aeroportga kirishiga yo‘l qo‘ymaslik ularga qarata o‘t ochgan, o‘nlab xodimlar va boshqa ishchilar qochib ketgan” — deydi AP va buni Gaiti tarixidagi “eng yirik hujum” deb atadi.
2-mart kuni qurolli shaxslar milliy qamoqxonaga hujum qilib, u yerdan 4 ming mahbusni chiqarib yuborgandi. Bu Gaiti bosh vaziri banditizmga qarshi kurashish uchun xalqaro kontingentni joylashtirish bo‘yicha muzokaralar olib borish maqsadida Keniyaga borganidan ikki kun o‘tgach sodir bo‘ldi. “Barbekyu” laqabli bandit Jimmi Sherizye bosh vazir Ariye, Anriga qarshi urush e’lon qilgan. U hujumlardan maqsad Gaiti politsiyasi boshlig‘i, hukumat vazirlarini qo‘lga olish va Anrini hokimiyatdan ag‘darish ekanini aytmoqda.
Izoh (0)