Afruza Hamdamova shaxmat bo‘yicha O‘zbekiston tarixida qizlar o‘rtasida ilk jahon chempioni bo‘lgani haqida xabar berilgandi. Prezident yordamchisi Saida Mirziyoyeva 26-noyabr tongida O‘zbekistonga qaytib kelgan Afruzani shaxsan kutib oldi.
“O‘z g‘alabalari bilan barcha tashabbuslarimiz, biz kurashayotgan maqsadlarimiz to‘g‘ri ekanini tasdiqlagan Afruzadan juda minnatdorman. Teng imkoniyatlar, xotin-qizlarga hurmat va ular iqtidorining e’tirofi shular jumlasidan”, — deb yozdi u o‘z sahifasida.
.jpg)
Saida Mirziyoyeva qizning bosh murabbiyi — otasi Akbar Hakimovga alohida minnatdorlik bildirdi.
“Qizaloqning bosh murabbiyi — otasi Akbar aka Hakimovga alohida rahmat aytmoqchiman. Qizingizning iste’dodini rivojlantirishga kuch va vaqtingizni ayamaganingiz uchun tashakkur. Xotin-qizlarimizni yuqoriga ko‘tarayotgan bunday otalar, erkaklar yanada ko‘p bo‘lsin. Afruzamizga hamisha omad va baxt hamroh bo‘lsin!”, — dedi Miziyoyeva.
Shaxmat bo‘yicha yoshlar o‘rtasidagi jahon chempionati Italiyada bo‘lib o‘tdi. Unda 14 yoshgacha bo‘lgan sportchilar orasida o‘zbekistonlik Afruza Hamdamova jahon chempioni unvoniga sazovor bo‘ldi.
Qayd etib o‘tish joiz, Afruza O‘zbekiston tarixida qizlar o‘rtasidagi ilk jahon chempioniga aylandi.
Izoh (0)