Farg‘onaning “Neftchi” jamoasi bosh murabbiy Vitaliy Levchenko bilan shartnomani uzaytirdi.
Bu haqida jamoa matbuot xizmati ma’lum qildi. Levchenko bilan shartnoma 2024-yil 31-dekabrga qadar uzaytirildi.
2022-yildan buyon “Neftchi”ni boshqarib kelayotgan mutaxassis qo‘l ostida jamoa 26 ta o‘yin o‘tkazib, 12 ta g‘alaba, 10 ta durang va 4 ta mag‘lubiyat qayd etgan. Ushbu uchrashuvlarda 41 ta gol urilib, 26 bor to‘p o‘tkazib yuborilgan.
“Neftchi” jamoasi Superliganing birinchi davrasidan so‘ng 25 ochko bilan 3-o‘rinda bormoqda. Ma’lumot uchun jamoa 6 ta g‘alaba va 7 ta durang qayd etib, biror marotaba mag‘lubiyatga uchramadi.
Izoh (0)