Premium Uzbekistan – O‘zbekiston Respublikasi Prezidentining 11.09.2017 yildagi PQ-3263-sonli qaroriga asosan tashkil etilgan bo‘lib, O‘zbekistondagi yirik va zamonaviy kompaniyalardan biri hisoblanadi. Yiliga 3 million dal quvvatga ega yuqori texnologiyali ishlab chiqarish korxonasi 300 dan ortiq ish o‘rni yaratish imkonini beradi. Ishlab chiqarishda innovatsion texnologiyalar va EuroPool, OMA (Italiya) kabi yetakchi xorijiy kompaniyalarining zamonaviy uskunalaridan foydalaniladi. Zamonaviy uskunalar, yangi texnologiyalar, korxona mutaxassislarining yuqori mahorati natijasida zavodda O‘zbekiston va xorijiy bozorlarda xaridorgir mahsulotlar ishlab chiqarilmoqda. Mahsulotlar Rossiya, Mo‘g‘uliston, Angliya, Janubiy Koreya, AQSh va Qozog‘istondan kelgan xorijlik treyderlarga manzur bo‘lmoqda.
Zavod mahsulotlari iste'molchilar ishonchini qozonib kelmoqda, mahsulotlarning sifati va xavfsizligi nufuzli tanlovlarda ham e’tirof etilmoqda. Misol uchun, 2022 yil Rossiyada ESD tanlovida ishlab chiqaruvchi 12 oltin medal va Gran-pri sovrinlariga sazovor bo‘lgan. Joriy yilda tashkil etilgan navbatdagi ESD tanlovida Ledohod va Nordica brendlari “Eng yaxshi xorijiy mahsulot” nominatsiyasi bo‘yicha g‘oliblikni qo‘lga kiritdi va Gran-pri nominatsiyasiga sazovor bo‘ldi. Kompaniyaning Premium Uzbekistan, Darmon, Alaska brendlari o‘tgan yillarda “Eng yaxshi xorijiy mahsulot” nominatsiyani qo‘lga kiritgan.
Ta’kidlab o‘tish lozimki, bu yil tanlovga Rossiya, Qozog‘iston, O‘zbekiston, Belarus, Qirg‘iziston va Tojikistondan 200 dan ortiq mahsulotlar namunalari taqdim etilgan.
ESD xalqaro degustatsiya tanlovi yuqori sifat va xavfsizlik darajasiga ega mahsulotlarni aniqlash maqsadida har yili tashkil etiladi.
Mustaqil professional tanlovning yuqori maqomi, birinchi navbatda, uning Butunrossiya oziq-ovqat biotexnologiyasi ilmiy-tadqiqot instituti bazasida o‘tkazilishi, shuningdek, xalqaro ekspert komissiyasining tarkibi bilan tasdiqlanadi.
Premium Uzbekistan mahsulotlari ishlab chiqarishning azaliy an’analariga ehtiyotkorlik bilan munosabatda bo‘lish, zamonaviy texnologiyalarga qat’iy rioya qilish, iste’molchilar fikri va talabini aniqlash va ishlab chiqarish jarayonida ularni inobatga olish kabi jihatlarni o‘zida mujassam etgan.
Ta’kidlab o‘tish lozimki, zamonaviy yondashuvlardan foydalanish mahsulotlarning yuqori va barqaror sifatini ta’minlash, ishlab chiqarishni barcha texnologik parametrlarga rioya qilgan holda olib borish va inson omili bilan bog‘liq xatolardan himoya qilish imkonini beradi.
.jpg "Premium Uzbekistan")
Premium Uzbekistan kompaniyasi oziq-ovqat mahsulotlari xavfsizligi siyosatini amalga oshirish bo‘yicha mas’uliyatni o‘z zimmasiga oladi, barcha zarur talablarga rioya etilishini ta’minlash va oziq-ovqat xavfsizligini boshqarish tizimining samaradorligini oshirish bo‘yicha amalga oshirilayotgan ijobiy ishlarni bundan keyin ham izchil davom ettiradi.
Izoh (0)