Vayner Farhod Mannopov vafot etgan klinikaning litsenziyasi sud qarori bilan bekor qilindi. Bu haqda Mittivine jamoasi a‘zosi Ulug‘bek Shodmonov o‘z sahifasida ma‘lum qildi.
Unga ko‘ra, 2-iyun kuni Toshkent viloyati Zangiota tumanlararo iqtisodiy sudida SSV tomonidan StarMed klinikasining litsenziyasini bekor qilish bo‘yicha berilgan ariza yuzasidan sud majlisi bo‘lib o‘tdi. Sud qarori bilan StarMed klinikasi litsenziyasi bekor qilindi. Shuningdek, klinika hisobidan SSV foydasiga 30 ming so‘m pochta xarajati undirish belgilandi.
“Mitti vine” taxallusi bilan tanilgan 27 yoshli vayner Farhod Mannopov 5-mart kuni Toshkentning Chilonzor tumanida joylashgan klinikalardan birida vafot etdi. Ijtimoiy tarmoqlarda Farhod Mannopovning o‘limiga narkozni ko‘p berib yuborish sabab bo‘lgani haqida xabarlar tarqalgandi. Bosh prokuratura blogerning vafoti yuzasidan jinoyat ishi qo‘zg‘atilgani, ish doirasida shifokorlar ushlangani yoki qamoqqa olingani haqida tarqalayotgan xabarlar asossiz va haqiqatga to‘g‘ri kelmasligini ma’lum qilgandi.
Izoh (0)