Toshkent shahar Shayxontohur tumanida fuqaro va uning onasiga 20 ming dollarga Haj vizasini olib bermoqchi bo‘lganlar ushlandi.
Xabarga ko‘ra, huquqni muhofaza qiluvchi idoralar xodimlari 31-may kuni fuqaro Yu.A. ning arizasida keltirilgan vajlarni tekshirib ko‘rish maqsadida Shayxontohur tumanida joylashgan “E.R” MCHJ ofisida tezkor tadbir o‘tkazgan.
Tadbirda “E.R” MCHJ rahbari X.M. va menejer B.Ch. bir guruhga birlashib, oldindan jinoiy til biriktirib, fuqaro A.M.ning ishonchiga kirgan. Unga va onasiga yuqori lavozimda ishlovchi mansabdor tanishlari orqali 20 000 AQSH dollari evaziga Haj ziyoratini amalga oshirish uchun Haj vizasi qilib berishni vaʼda qilib, shundan 4000 AQSH dollarini olgan vaqtda xolislar ishtirokida ashyoviy dalillar bilan ushlangan.
Mazkur holat yuzasidan departamentning Yashnobod tumani bo‘limi tomonidan fuqarolar Ya.X. va M.B. va boshqalarga nisbatan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)