“PSJ” hujumchisi Kilian Mbappe 2022/23-yilgi mavsum yakuniga ko‘ra, Liga 1 ning eng yaxshi futbolchisi deb topildi.
Mbappe ushbu sovrinni ketma-ket to‘rtinchi bor qo‘lga kiritmoqda. Kilian 2019, 2021 va 2022-yillarda ham chempionatning eng yaxshi futbolchisi deb topilgandi. 2020-yil koronavirus pandemiyasi tufayli sovrin topshirilmagan. Fransiya terma jamoasi bosh murabbiyi Didye Desham hujumchiga sovrinni topshirdi.
24 yoshli futbolchidan tashqari Liga 1 ning eng yaxshi futbolchisi bo‘lish uchun Lionel Messi (“PSJ”), Jonatan Devid (“Lill”), Seko Fofana va Loi Openda (ikkalasi ham “Lans”) kurash olib borgandi.
Mbappe joriy mavsum Fransiya chempionatida 33 ta o‘yinda ishtirok etib, 28 ta gol va 5 ta golli uzatmaga mualliflik qildi. To‘purarlar ro‘yxatida Kilian yetakchilik qilmoqda. “Lion” hujumchisi Aleksandr Lyakazett 27 ta gol bilan undan keyingi o‘rindan joy olgan. Fransiyada mavsum tugashiga yana bitta tur qoldi.
Izoh (0)