Toshkent shahar Sergeli tumanida ayol uch nafar farzandi bilan o‘zini 9-qavatdan tashlagani haqida xabarlar tarqaldi. Bosh prokuratura mazkur xabar yuzasidan maʼlumot berdi.
Maʼlum qilinishicha, ayni damda tezkor-tergov guruhi voqea joyida o‘rganish ishlarini olib bormoqda. Natijasi bo‘yicha xabar beriladi.
Avvalroq Farg‘ona shahrida 14 yoshli o‘quvchi qiz o‘zini 16 qavatli uyning tomidan tashlamoqchi bo‘lgani haqida xabar berilgandi. 14 yoshli qiz D.K. o‘gay otasi bilan janjallashib qolgan. Buning oqibatida Farg‘ona shahri Tarona ko‘chasida joylashgan 16 qavatli uyning tomiga chiqib olgan hamda u yerdan o‘zini pastga tashlab, joniga qasd qilmoqchi bo‘lgan. Voqea joyiga borgan Farg‘ona shahar IIB va Favqulodda vaziyatlar vazirligi xodimlari D.K.ni tomdan sog‘-omon tushirib olgan.
Shuningdek, Samarqand viloyati Oqdaryo tumanida 18 yoshli talaba qiz Qoradaryo ko‘prigidan o‘zini suvga tashlab joniga qasd qilgani haqida xabar berilgandi.
Izoh (0)