Fevralda O‘zbekistonda eng ko‘p qaysi avtomobil ishlab chiqarildi?

O‘zbekistonda fevral oyida 22 719 dona yengil avtomobil ishlab chiqarilgan. Bu haqda Davlat statistika agentligi xabar berdi.

Ma’lumotlariga ko‘ra, fevral oyida mamlakat bo‘ylab eng ko‘p Cobalt ishlab chiqarilgan — 7 673 dona. O‘tgan yilning shu davrida ushbu rusumdagi avtomobilning ishlab chiqarilish hajmi 7 394 donani tashkil etgan.

Fevralda eng ko‘p ishlab chiqarilgan avtomobillar orasida Damas ikkinchi o‘rinni egalladi —  6 149 dona. Bu ko‘rsatkich o‘tgan yilning shu davriga nisbatan 518 taga oshgan.

Uchinchi o‘rinda 5 174 dona ishlab chiqarilgan Lacetti-Gentra joylashgan. 2022-yilning mos davrida esa u eng ko‘p ishlab chiqarilgan avtomobil bo‘lgan edi — 8 124 ta. 

Keyingi o‘rinlarda esa Tracker (1 087 dona), Nexia T-250 (467 dona) va maxsus yengil avtomobillar (2 057 dona) joylashgan.

Bundan tashqari O‘zbekistonda Onix ishlab chiqarish ham fevral oyidan yo‘lga qo‘yildi — 112 dona avtomobil.

Avvalroq O‘zbekistonda fevral oyida avtomobillar sotuvi kamaygani haqida xabar berilgandi.