O‘zbekiston Oliy Majlisining inson huquqlari bo‘yicha vakili (ombudsman) Feruza Eshmatova va Fransiya huquq himoyachisi o‘rinbosari, mediatsiya bo‘yicha bosh delegat Daniyel Agasinski o‘rtasida onlayn-uchrashuv takil etildi, deb xabar bermoqda “Dunyo” agentligi.
Qayd etilishicha, uloqot avvalida fransuz tomoniga fuqarolarning huquq va erkinliklarini mustahkamlash, tadbirkorlik faoliyati uchun qulay shart-sharoit yaratishga qaratilgan islohotlarning mazmun-mohiyati, Oliy Majlisining inson huquqlari bo‘yicha vakili — ombudsman faoliyati haqida batafsil maʼlumot berilgan.
Shu bilan birga Fransiyaning Inson huquq va erkinliklarini himoya qiluvchi vakolatli organlarining tajribasini o‘rganish, ular bilan hamkorlikni mustahkamlash, Fransiya huquq himoyachisi instituti tajribasini o‘rganish muhim ahamiyat kasb etishi qayd etilgan. Jumladan, 2008-yilning iyunida O‘zbekiston va Fransiya ombudsmanlari o‘rtasida Hamkorlik to‘g‘risida bitimni amal qilish muddati tugagani sababli bitimni yangilash taklifi ilgari surilgan.
O‘z navbatida hamkorlikni yanada rivojlantirishga tayyor ekanini bildirgani. Uchrashuv yakunida yaqin kunlarda ikki davlat ombudsmanlari o‘rtasida navbatdagi uchrashuvni o‘tkazish to‘g‘risida kelishib olingan.
Izoh (0)