Bugun,

  • USD 11095.31
  • RUB 173.84
  • EUR 10772.44

“Human.uz” nashri direktori Xurshid Daliyev va bosh muharriri Muslim Mirzajonov va saytning boshqa xodimlari qo‘lga olindi. Bu haqda nashr 27-yanvar kuni oʻzining Telegram kanalida xabar berdi.

Xurshid Daliyev (o‘rtada) va Muslim Mirzajonov (oʻngda).

Foto Facebook

Unda aytilishicha, shu kuni soat 10:00 atrofida ular “Human.uz” saytining Toshkent davlat agrar universiteti hududida joylashgan ofisidan oʻzini “organ xodimlari” deb tanishtirgan insonlar tomonidan olib ketilgan. “Organ xodimlari” tomonidan ofisdagi eshiklar buzib kirilgan va ayni damda barcha maʼlumotlar, qurilmalar tintuv qilinmoqda.

Sayt tahririyati “toʻsatdan va ogohlantirishlarsiz” olib ketilgan barcha insonlar salomatligi va holatidan havotir bildirgan. Xabarda aytilishicha, ularning hech biriga aloqaga chiqishning imkoni boʻlmayapti.

Nashrning ma’lum qilinishicha, saytning o‘zi ham bloklangan.

Milliy mass-mediani qo‘llab-quvvatlash va rivojlantirish jamoat fondi ushbu nashr jurnalistlarining qo‘lga olinishi bilan bog‘liq vaziyatdan xavotirda ekanligini bildirdi.

“Huquq-tartibot idoralari tomonidan ushbu masala boʻyicha izoh berilishini kutamiz hamda jurnalistlar xavfsizligi, shunindek, ularning professional faoliyatiga qonuniy munosabatda bo‘linishi taʼminlanishini so‘raymiz”, — deyiladi fond matbuot xizmati axborotida.

Hozircha bu haqda huquqni muhofaza qiluvchi organlari tomonidan rasmiy ma’lumot berilmadi.

Izoh
Asosiy yangiliklar
Sport
Messining “Barselona”ga qaytish ehtimoli bor. Xavi va Leo doimiy aloqada bo‘lib turibdi 
Mahalliy
Farg‘onada Qirg‘izistondan keltirilgan psixotrop moddalar savdosi bilan shug‘ullanganlar ushlandi
Mahalliy
Qashqadaryo viloyatida qurilgan namunali uylar qulab tushish arafasida ekani aytilmoqda (video)