Manchester jamoalari yetakchi, “PSJ” 3-o‘rinda. JCH—2022 chorak finaliga qaysi klub vakillari ko‘proq yetib keldi?

Futbol bo‘yicha 2022-yilgi Jahon Chempionati davom etmoqda. Ayni vaqtda chorak finalning barcha 8 ishtirokchisi ma’lum bo‘lgan.

Ushbu bosqichga qadar “Manchester Siti” va “Manchester Yunayted”ning 11 nafardan futbolchisi yetib keldi. Bu klub miqyosidagi eng yuqori natija. Keyingi o‘rindan “PSJ” joy olgan, Parij klubining 8 nafar vakili chorak finalda o‘ynaydi.

Kuchli beshlikdan “Bavariya” va “Ayaks” (7 nafardan) ham joy olgan. Yana sakkizta klubning olti nafardan vakili mazkur bosqichga yetib kelgan.

• “Manchester Siti” (11)
• “Manchester Yunayted” (11)
• “PSJ” (8)
• “Bavariya” (7)
• “Ayaks” (7)
• “Yuventus” (6)
• “Real” (6)
• “Tottenhem” (6)
• “Liverpul” (6)
• “Arsenal” (6)
• “Chelsi” (6)
• “Atletiko” (6)
• “Sevilya” (6)

Chorak final o‘yinlari 9 va 10-dekabr kunlari bo‘lib o‘tadi.