Jahon banki davlat idoralari va ta’lim muassasalari xodimlariga maosh to‘lash uchun Ukrainaga 60 million dollar o‘tkazdi. Bu “Ukrinform” agentligiga tayanib, “TASS” xabar berdi.
Ma’lumotlarga ko‘ra, bu mablag‘ Ukraina budjetiga 22-noyabr kuni kelib tushgan. 50 million dollari Xalqaro taraqqiyot assotsiatsiyasi, yana 10 million dollari Latviya tomonidan imtiyozli shartlar asosida taqdim etildi.
Ukraina Milliy banki ma’lumotlariga ko‘ra, mamlakatga XVJ, Yevropa Ittifoqi, Yevropa investitsiya banki, Jahon banki va xorijiy hukumatlar orqali ko‘rsatilgan hamda va’da qilingan moliyaviy yordamning umumiy hajmi qariyb 30 milliard dollarga baholanmoqda.
Xususan, AQSH Ukrainaga 20 milliard dollardan ortiq harbiy yordam ko‘rsatdi.
Hozirgi vaqtgacha Ukrainaga 20 milliard dollardan ortiq yordam berdik. Bayonotlarimizni eshitgansiz: Biz Ukrainani qancha kerak bo‘lsa, shuncha vaqt qo‘llab-quvvatlashda davom etamiz”, — dedi Pentagon rahbari.
Ostinning so‘zlariga ko‘ra, NATO va boshqa davlatlar Ukrainaga, jumladan, G‘arb davlatlarining aloqa guruhi vositachiligida faol yordam bermoqda.
Avvalroq Yevropa Ittifoqi Ukrainaga 18 mlrd yevro moliyaviy yordam bermoqchiligi haqida xabar berilgandi.
Izoh (0)