Qashqadaryoda tuman elektr tarmoqlari korxonasi xodimi tok urishi oqibatida vafot etdi

“Qashqadaryo hududiy elektr tarmoqlari” AJning G‘uzor tumani elektr tarmoqlari korxonasi xodimi tok urishi oqibatida vafot etdi.

Nasafnews’ning yozishicha, voqea 5-oktabr kuni sodir bo‘lgan. 1972-yilda tug‘ilgan marhum xodim hamkasblari bilan “G‘uzor-Sovbog” fiderining “Mikop” shoxobchasini avariyadan keyin ko‘rikdan o‘tkazgan. Shu kuni soat 14:30 larda fiderga kuchlanish berilgan.

Soat 15:30 larda iste’molchi bilan kelishgan holda brigada o‘zboshimchalik bilan “Oxunboboyev” fiderining 36-tayanchidan iste’molchi tayanchiga o‘tadigan simlarni yechish vaqtida elektrchi G‘.B. kuchlanish ostida qolgan.

Boshqa xodimlar jabrlanuvchi G‘.B.ni tayanchdan tushirib, birinchi yordam ko‘rsatib, tez yordam chaqirgan. Ammo xodim voqea joyida halok bo‘lgan.

Hozirda mazkur voqea sabablari o‘rganilmoqda.

Mavzuga doir: Toshkentda Wi-Fi o‘rnatmoqchi bo‘lgan montajchi tok urishi oqibatida vafot etdi (video)