Bugun, 6-oktabr kuni AOKAda bo‘lib o‘tgan brifingda Kadastr agentligi boshqarma boshlig‘i Odil Mahmudov murojaatlarini ko‘rib chiqishda qonunbuzarliklarga yo‘l qo‘ygan xodimlarga qanday choralar ko‘rilgani haqida aytib o‘tdi.
Ma’lum qilinishicha,jami 17 ming 421 ta murojaat kelib tushgan. Shundan 12 ming 795 tasi (76 foizi) qanoatlantirilgan bo‘lsa, 3 ming 737 tasi (22 foizi)ga umumiy tushuntirish berilgan. Shuningdek, 304 ta ariza qonun hujjatlari asosida rad etilgan va 392 ta murojaat bugun ko‘rib chiqish jarayonida.
“Joriy yilning o‘tgan davri mobaynida Kadastr agentligi va hududiy boshqarmalariga jismoniy va yuridik shaxslarning murojaatlarini ko‘rib chiqishda kamchiliklar va qonunbuzarliklarga yo‘l qo‘ygan rahbar hamda mas’ul xodimlarga nisbatan 32 ta jarima, 142 ta hayfsan, jami 174 ta intizomiy jazo choralari qo‘llanilgan”, — dedi Odil Mahmudov.
Mavzuga doir:
- O‘zbekistonda endi ayrim fuqarolardan kadastr bo‘yicha ko‘rsatilgan davlat xizmati uchun yig‘im undirilmaydi
- Kadastr pasportini shakllantirish qaysi holatlarda bepul rasmiylashtiriladi?
- Prezident virtual qabulxonasi va Xalq qabulxonalariga ko‘proq qanday masalalarda murojaat qilinayotgani ma’lum qilindi
- Kadastr xizmatlaridan foydalanishda muammolar yuzaga kelmoqda. Kadastr agentligi holatni izohladi
Izoh (0)