14-sentabr kuni O‘zbekiston tashqi ishlar vaziri Vladimir Norov Belarus tashqi ishlar vaziri Vladimir Makey bilan uchrashdi, deb xabar bermoqda TIV matbuot xizmati.
Qayd etilishicha, tomonlar O‘zbekiston va Belarus o‘rtasidagi hamkorlikning bugungi holati va istiqbollari yuzasidan fikr almashdi.
Ikki davlat rahbarlarining siyosiy irodasi va amaliy sa’y-harakatlari sababli so‘nggi yillarda O‘zbekiston—Belarus munosabatlari alohida jadallik kasb etgani ta’kidlandi. Ikki tomonlama va xalqaro institutlar doirasida faol muloqot olib borilmoqda.
Vladimir Makey Shanxay hamkorlik tashkilotiga raislik doirasida O‘zbekiston tomoni tomonidan amalga oshirilgan ishlar va o‘z miqyosida yilning asosiy siyosiy voqealaridan biriga aylanadigan SHHT sammitiga tayyorgarlik ko‘rishni yuqori baholadi.
Savdo-iqtisodiyot, transport-logistika, ta’lim va madaniyat sohalarida hamkorlikni faollashtirish bo‘yicha takliflar ko‘rib chiqildi.
O‘zbekiston va Belarus o‘rtasida diplomatik munosabatlar o‘rnatilganining 30 yilligini nishonlash doirasidagi va boshqa bo‘lajak tadbirlar jadvali ko‘rib chiqildi.
