Madridning “Real” klubi La Liga 5-turi doirasida “Malyorka”ga qarshi kechgan o‘yinda (4:1) g‘alabaga erishdi.
Karlo Anchelotti jamoasi barcha musobaqalar doirasida mavsum startidagi ketma-ket 7 ta o‘yinni g‘alaba bilan yakunladi.
“Real” o‘z tarixida yettinchi marta va 2009/10-yilgi mavsumdan beri ilk bor mavsum startida yettita o‘yinlik g‘alabali seriya qayd etdi.
Bundan tashqari “qaymoqranglilar” 13 yil deganda birinchi marta La Liga mavsumini ketma-ket beshta g‘alaba bilan boshladi. Madridliklar top-5 liga klublari orasida ochko yo‘qotmagan yagona jamoa bo‘lib turibdi.
“Real”ning keyingi o‘yini “Leypsig”ga (14-sentabr) qarshi bo‘ladi. La Liga doirasidagi kelasi bahs esa 18-sentabr kuni “Atletiko”ga qarshi kechadi.
Mavzuga doir:
- “Manchester Siti”dan “PSJ”gacha. Goal talqiniga ko‘ra YCHL 2022/23-yilgi mavsumi favoritlari
- “Real” futbol klublari ichida birinchi, “Barselona” ikkinchi o‘rinda. Forbes dunyoning eng qimmat klublari reytingini e’lon qildi
- Anchelotti “Real”dagi g‘alabalari bo‘yicha Del Boskega yetib oldi. Faqat ikki murabbiy undan oldinda