Nukus voqealarining asosiy ayblanuvchilaridan biri Dauletmurat Tajimuratovning ayni kundagi ahvoli haqida ma’lumot berildi.
Ta’kidlanishicha, Ombudsman va parlament komissiyasi a’zolari Qoraqalpog‘istondagi namoyishlar bo‘yicha asosiy ayblanuvchilardan biri bo‘lgan Dauletmurat Tajimuratov bilan Urganchdagi tergov hibsxonasida uchrashgan. Unda tergov harakatlari paytida Tajimuratovga nisbatan qiynoq va bosim o‘tkazilmaganini ma’lum bo‘lgan.
Komissiya a’zolari Xorazm viloyatining Urganch shahridagi 11-son Tergov hibsxonasiga tashrif buyurib, u yerda saqlanayotgan shaxslarning yashash, ovqatlanish, tibbiy xizmatdan foydalanish hamda advokatlar va yaqin qarindoshlari bilan qisqa muddatli uchrashuv xonalardagi sharoitlar o‘rgangan.
Shuningdek, Tergov hibsxonasida ushlab turilgan shaxslar bilan suhbatlashilgan. Xususan, bo‘lib o‘tgan holatlar va voqealarda jinoyat sodir etgani uchun hibsga olingan Dauletmurat Tajimuratov bilan ham uchrashuv bo‘lib o‘tgan.
Uchrashuv davomida D.Tajimuratov advokat bilan ta’minlanganini va advokatining u bilan uchrashishida hech qanday qarshiliklar yo‘qligini, oila a’zolari bilan ham qisqa muddatli uchrashuv o‘tkazilganligini hamda posilka va yo‘qlovlar olayotganini ma’lum qilgan.
D.Tajimuratovning so‘zlariga ko‘ra, unga nisbatan tergov harakatlari davomida va tergov hibsxonasida hech qanday qiynoq, bosim yoki tazyiqlar bo‘lmagan. Ovqatlarning sifati va hibsxonadagi boshqa sharoitlarga hech qanday e’tirozi yo‘qligini bildirgan.
Komissiya a’zolari tashrif davomida gumon qilinuvchilarning Tergov hibsxonasida saqlanayotgan paytida va tergov jarayonlarida hech qanday huquqlari buzilmagani hamda ruhiy va jismoniy qiynoq holatlariga yo‘l qo‘yilmaganiga guvoh bo‘lgan.
Izoh (0)