“Barselona” Jyul Kundeni ro‘yxatdan o‘tkazdi. Himoyachi endi rasmiy o‘yinlarda ishtirok etishi mumkin

Jyul Kunde “Barselona”ning La Ligadagi keyingi o‘yinida ishtirok etishi mumkin.

The Athletic nashrining xabariga ko‘ra, kataloniyaliklar 23 yoshli futbolchini ro‘yxatdan o‘tkazdi. Eslatib o‘tamiz, “Barselona” futbolchi uchun “Sevilya”ga 50+5 million yevro to‘lagan.

Shu tariqa himoyachi “Valyadolid”ga qarshi 3-turda ishtirok etish imkoniga ega bo‘ldi. Jamoalar o‘rtasidagi o‘yin 28-avgust sanasiga belgilangan.

Kunde ro‘yxatdan o‘tmaganligi sabab, Ispaniya chempionatining dastlabki 2 turini o‘tkazib yubordi.

Jyul “Barselona” tomonidan ro‘yxatdan o‘tkazilmagan oxirgi yangi futbolchi edi. Bundan avval “ko‘k-anorranglilar” Robert Levandovski, Frank Kessie, Rafinya Dias va Andreas Kristensenlarni Ispaniya chempionatining 1-tur qaydnomasiga kiritgan.