Namangan viloyati hokimining o‘rinbosarlari hamda viloyat tashkilotlari rahbarlaridan iborat delegatsiya Qoraqalpog‘istonning Qorao‘zak tumaniga keldi. Bu haqda “Daryo” muxbiri Azizbek Abduvaliyev xabar bermoqda.
Namanganliklar tomonidan Qorao‘zakda aholini ijtimoiy-iqtisodiy qo‘llab-quvvatlash maqsadida amaliy ishlar boshlandi.
Xususan, ushbu tumandagi “Qorao‘zak” ovuli hududida qiymati 4,5 milliard so‘m bo‘lgan 80 o‘rinli maktabgacha ta’lim tashkiloti qurilishiga tamal toshi qo‘yilib, qurilish ishlari boshlab yuborildi.
Tumandagi 33 ta umumta’lim maktablariga inventarlar — elektron doska va videoproyektorlar, mebel va gilamlar, qo‘llanma va kitoblar tarqatilmoqda.
Ma’lumot uchun, Namangan viloyati Qorao‘zak tumanini otaliqqa olgan bo‘lib, hududda viloyat shtabi tashkil etilgan.
Mavzuga doir:
- Hududlarga biriktirilgan viloyat hokimlari, kichik tumanlarga beriladigan katta mablag‘lar, qiymati 108 million dollar bo‘lgan shamol elektr stansiyasi — prezidentning Qoraqalpog‘istonga tashrifidan keyingi xulosalar
- Namanganlik tadbirkorlar Qoraqalpog‘istonda bo‘sh yerlarni o‘zlashtirib, qishloq xo‘jaligi klasterlarini tashkil etmoqda — Shavkat Abdurazzaqov
Izoh (0)