Bugun,

  • USD 11095.31
  • RUB 173.84
  • EUR 10772.44

Avval xabar berilganidek, 25-iyun kuni O‘zbekiston Konstitutsiyasiga o‘zgartishlar kiritish to‘g‘risidagi qonun loyihasi jamoatchilik muhokamasiga qo‘yildi.

Unga ko‘ra, Davlat iste’dodli yoshlarning moddiy ahvolidan qat’i nazar, ta’limni davom ettirishini kafolatlashi Konstitutsiyada belgilab qo‘yilmoqda.

Prezident Shavkat Mirziyoyevning 2022-yil 20-iyundagi Konstitutsiyaviy komissiya a’zolari bilan uchrashuvda “Biz oila, maktabgacha ta’lim, maktab va oliy ta’limni hamda ilmiy-madaniy maskanlarni Uchinchi Renessansning eng muhim bo‘g‘inlari, to‘rt uzviy halqasi deb hisoblaymiz. Shunday ekan, Yangi O‘zbekiston bunyodkorlari bo‘lmish o‘g‘il-qizlarimizning huquq va erkinliklari hamda qonuniy manfaatlarini har tomonlama qo‘llab-quvvatlashni Konstitutsiyada mustahkamlab qo‘yish – dolzarb masaladir”, - deb aytgan edi.

So‘nggi yillarda mamlakatimizda yuqori bilim va malakaga ega bo‘lgan, raqobatbardosh kadrlar tayyorlash maqsadida oliygohlar soni 160 dan ortdi, xorijiy oliy ta’lim muassasalari va ular filiallarining soni 30 taga yetdi.

Shuningdek, keyingi 5 yilda oliy ta’limga qabul kvotasi 3 barobar oshirildi. Bu – umumiy qamrov 28 foizga yetdi, deganidir. 5 yil avval bu raqam atigi 9 foizni tashkil etardi. Shuningdek, bitiruvchilarni oliy ta’lim bilan qamrov darajasi 9 foizdan 40 foizga oshirildi. Ta’limning uzviyligini ta’minlash qamrovini kengaytirish maqsadida oliy ta’lim tizimida sirtqi va kechki ta’lim shakllari qayta tiklandi.

“Ta’lim to‘g‘risida”gi qonunning 4-moddasida ta’lim sohasidagi asosiy prinsiplar keltirilgan bo‘lib, ular qatorida insonning butun hayoti davomida ta’lim olishi prinsipi ham belgilangan.

Kiritilayotgan qo‘shimchalar yoshlarning ta’lim olish huquqini to‘laqonli ta’minlashning konstitutsiyaviy kafolatini belgilaydi.

Shuningdek, ushbu qo‘shimcha Yangi O‘zbekiston taraqqiyot strategiyasining 38-maqsadi, ya’ni maktabgacha ta’limdagi qamrov darajasini hozirgi 67 foizdan kamida 80 foizga yetkazish hamda 46-maqsadi, ya’ni oliy ta’lim bilan qamrov darajasini 50 foizga yetkazish va ta’lim sifatini oshirishga erishish uchun muhim huquqiy kafolat hisoblanadi.

Izoh
Asosiy yangiliklar
Mahalliy
Oʻzbekistonda turizm: kecha va bugun
Mahalliy
Sogʻliqni saqlash vaziri: Taʼlimda oʻzgarish qilmas ekanmiz, tibbiyot ham oʻzgarmaydi
Mahalliy
“Oila a’zolari tomonidan muntazam jinsiy zo‘ravonlikka uchrayotgan bolalar ham topiladi” — Bolalar ombudsmani